Civil Lines, Bareilly (UP) Som–Shani, 9:00 AM – 5:30 PM +91 96756 75675 Free demo lijiye
Live Demo Demo book karein
Poori feature list

Har feature, ek kaam ke liye

Hamne feature ginne ke liye feature nahi banaye. Clinic me jo cheez roz atakti hai — token, purani parchi, bill, doctor ka hisaab — bas usi ke liye ek-ek module hai. Neeche har ek ko detail me dekh lijiye.

Khud chala kar dekhein Free demo book karein
Appointment & Token Patient Record Prescription Billing Doctor Settlement Reports Follow-up Security
Module 01

Appointment & Token Queue

Walk-in ho, phone par ho, WhatsApp par ho ya online — booking jaise hi ban-ti hai, token number apne aap nikal aata hai. Har doctor ki apni alag queue chalti hai.

Reception ko sirf phone number daalna hota hai. Purana patient hai to poora record khul jata hai, naya hai to 15 second me register ho kar token mil jata hai.

  • Doctor-wise token — Dr. Sharma ka #4 aur Dr. Verma ka #4 alag-alag chalte hain, aapas me nahi ulajhte
  • Status live badalta hai: Booked → Aaya → Andar → Poora hua. Reception aur doctor dono ko wahi dikhta hai
  • Visit type alag — New, Follow-up ya Emergency. Follow-up par fees apne aap kam ho jati hai
  • Aane wale dinon ki booking bhi — kal ki, parson ki, agle hafte ki
  • No-show aur cancel ka bhi record — mahine ke aakhir me pata chalta hai kitne log nahi aaye
Aaj ki Queue25 Aug · 12 patient
Dr. Anil Sharma (7) Dr. Meena Verma (3) Dr. R. Khan (2)
Dr. Anil Sharma — General Medicine
3Kamla DeviSRP000005 · 67 saal · Follow-upAndar
4Rajkumar YadavSRP000007 · 41 saal · NewAaya
5Deepak SharmaSRP000009 · 29 saal · NewBooked
6Shabnam BanoSRP000012 · 34 saal · Phone bookingBooked
2Mohd. ArifSRP000003 · 52 saal · ₹500 liyaPoora

Naam par click — poori purani history saamne.

Module 02

Patient Record & UHID

Har patient ko ek permanent number milta hai — UHID. Wahi number bol dijiye, poora record saamne. Parchi kho jane se ab koi farq nahi padta.

Purani file dhoondne ka kaam khatam. Naam ka aadha hissa, phone number ke aakhri 4 ank, ya UHID — kisi se bhi patient mil jata hai.

  • Apna UHID format — aapki clinic ka prefix, jaise SRP000042. Number kabhi repeat nahi hota
  • Ek patient ki poori timeline — kab-kab aaya, kis doctor ko dikhaya, kya likha gaya, kitna bill bana
  • Allergy aur purani bimari alag se likhi rehti hai — doctor ko upar hi dikh jati hai
  • Ek ghar ke saare log ek phone number par — family ka record aapas me juda rehta hai
  • Bakaya kitna hai wo patient ke naam ke saath hi dikhta hai — poochhna nahi padta
Patient dhoondein — naam, phone ya UHID
Kamla DeviSRP000005 · 98371…445 · 67 saal, F₹250 bakaya
Kamlesh GuptaSRP000031 · 94152…108 · 45 saal, MClear
Kamla PrasadSRP000077 · 99271…390 · 58 saal, MClear
Kamla Devi — visit history
18-08-2026 · Dr. Anil SharmaType 2 Diabetes, HTN · 4 dawai · ₹500Rx
02-08-2026 · Dr. Anil SharmaRoutine check-up · HbA1c bola · ₹300Rx
11-07-2026 · Dr. Meena VermaKnee pain · X-ray bola · ₹500Rx

Allergy: Sulpha drugs — ye har prescription ke upar dikhta hai.

Module 03

Prescription

Vitals, diagnosis, dawaiyan, test aur agli visit — sab ek hi screen par. Aam prescription 40 second me ban jati hai, aur padhne me saaf hoti hai.

Jo dawaiyan doctor pehle likh chuke hain wo type karte hi suggest hoti hain. Pichhli Rx ko ek click me copy karke sirf badlav kar dijiye — purane patient ka kaam 15 second ka reh jata hai.

  • Pichhli Rx copy — ek click, phir jo badalna hai wahi badliye
  • Dose, kitne din, khane se pehle ya baad — ready dropdown se, likhna nahi padta
  • Test aur jaanch alag section me — lab wale ko wahi parchi kaam aa jati hai
  • Aapke naam, degree aur registration number wala letterhead — print par professional dikhta hai
  • Print A4 par, ya PDF banakar patient ko WhatsApp par bhej dijiye
Dr. Anil Sharma MBBS, MD (Medicine) · Reg. UP-44821 · Sharma Polyclinic, Bareilly
Patient: Kamla Devi UHID: SRP000005 67 saal / F 25-08-2026
BP 138/86 Pulse 78 Temp 98.4°F Weight 64 kg SpO₂ 97%
Diagnosis

Type 2 Diabetes Mellitus, Hypertension — controlled

Rx
Tab. Metformin 500 mg1-0-1 · 30 din · khane ke baad
Tab. Telmisartan 40 mg1-0-0 · 30 din · subah
Cap. Vitamin D3 60Khafte me 1 · 8 hafte
Jaanch

HbA1c, Lipid Profile, Serum Creatinine

Agli visit: 24-09-2026
Dr. Anil Sharma

Ek click par print · ya PDF WhatsApp par

Module 04

Billing & Receipt

Consultation, lab test, dressing, injection, procedure — sab ek hi bill me. Bill aadha pehle se bana hua milta hai, kyunki doctor ki fees apne aap chadh chuki hoti hai.

Aadha paisa aaj, aadha baad me — ye bhi chal jata hai. Bakaya apne aap patient ke naam par chadh jata hai aur bakaya list me aa jata hai.

  • Part payment — jitna liya utna, baaki balance me. Status khud Paid / Partial / Unpaid ban jata hai
  • Cash, UPI, card, ya adha-adha — sab mode alag-alag record hote hain
  • Discount rupaye me ya percent me — kisne diya, ye bhi record hota hai
  • Print A4 par bhi aur thermal (2 inch / 3 inch) printer par bhi — jo counter par laga ho
  • Invoice number apne aap, financial year ke hisaab se — INV/26-27/0184
Sharma Polyclinic Civil Lines, Bareilly · +91 96756 75675
Bill: INV/26-27/0184 25-08-2026, 10:06 AM Kamla Devi (SRP000005)
VivranQtyRateRakam
Consultation
Dr. Anil Sharma		1500500
HbA1c
Lab		1450450
Lipid Profile
Lab		1600600
Injection charge1100100
Subtotal₹1,650
Discount- ₹150
Kul rakam₹1,500
Liya (UPI)₹1,250
Bakaya₹250
Rakam shabdon me: Ek hazaar paanch sau rupaye matra
Partial

Wahi bill thermal printer par chhota ho kar nikal jata hai

Module 05

Doctor Settlement & Commission

Polyclinic ka sabse tedha kaam — har doctor ka mahine ka hisaab. Yahan ye apne aap banta rehta hai, roz, har bill ke saath.

Har doctor ka commission percent ek baar set kar dijiye. Uske baad jo bhi bill uske naam par banega, uska share usi waqt jud jayega. Mahine ke aakhir me sirf print nikalna hota hai.

  • Item-wise commission — consultation par 60%, lab par 20%, procedure par alag — jaisa aapne tay kiya ho
  • Statement me ek-ek bill ki line dikhti hai — doctor khud check kar sakte hain, bharosa banta hai
  • Koi bhi tareekh se tareekh tak — 1 se 31 tarikh, ya 15 din ka, jaisa aapka chalan ho
  • Bakaya bill alag dikhta hai — jo paisa aaya hi nahi uska commission bhi hisaab me alag rehta hai
  • Print karke ya PDF banakar de dijiye — mahine ke aakhir ki bahas khatam
Doctor Settlement01–31 Aug 2026
DoctorPatientBilling% Doctor kaClinic ka
Dr. Anil Sharma
Medicine		 214₹1,86,50060 ₹1,11,900₹74,600
Dr. Meena Verma
Ortho		 128₹1,42,00055 ₹78,100₹63,900
Dr. R. Khan
Child		 96₹68,40050 ₹34,200₹34,200
Lab & procedure
Clinic ka apna		 —₹54,8000 —₹54,800
Kul438₹4,51,700— ₹2,24,200₹2,27,500

Har doctor ka alag statement bhi — ek-ek bill ki line ke saath.

Module 06

Reports & Day Close

Shaam ko ek page — aaj kitne patient aaye, kitna paisa aaya, kis mode se aaya, kitna bahar reh gaya. Cash box se milan karke ghar.

Maalik ko ghar baithe mobile par wahi dikhta hai. Clinic aane ki zarurat nahi rehti sirf ye poochhne ke liye ki aaj kaisa raha.

  • Day close — cash, UPI, card alag-alag. Cash box se milan karne wala hi number
  • Doctor-wise kamai, mahine ka trend, sabse zyada chalne wali service
  • Bakaya list — kis patient ka kitna udhaar, kab se. Phone number saath me
  • Har report CSV me download — Excel me kholiye, CA ko bhej dijiye
  • Kisi bhi tareekh se tareekh tak — kal ka, pichhle mahine ka, pure saal ka
Day Close — 25 Aug 2026Shaam 6:00
Patient42
Collection₹24,850
Bakaya₹1,250
Paisa kis mode se aaya
Cash18 bill₹11,400
UPI19 bill₹10,950
Card3 bill₹2,500
Pichhle 7 din ka collection
Som Mang Budh Guru Shukr Shani Aaj
Module 07

Follow-up & WhatsApp Reminder

Prescription me agli visit ki date daali thi na? Us din ki list apne aap ban jati hai. Reception subah kholta hai aur call ya WhatsApp kar deta hai.

Yahi ek cheez sabse zyada paisa wapas laati hai. Jo patient bhool jate the wo ab wapas aate hain — aur aapki clinic yaad rakhne wali clinic ban jati hai.

  • Aaj kiska follow-up hai — list roz taiyar, bina kisi ko yaad rakhe
  • Ek click par WhatsApp khulta hai, message pehle se likha hua — naam aur date daal kar
  • Kisko call kiya, kya jawab mila — wo bhi note ho jata hai. Do baar call nahi lagti
  • Doctor apne hisaab se follow-up days set kar sakte hain — 7 din, 15 din, 1 mahina
  • Jo nahi aaye unki list bhi — ek baar aur yaad dila dijiye
Aaj ke follow-up — 25 Aug (9 patient)
Suresh ChandraDr. Sharma · 15 din pehle · 98371…220Kar diya
Rukhsana BegumDr. Khan · 7 din pehle · 96754…818Baaki
Om PrakashDr. Verma · 1 mahina pehle · 94125…701Baaki
Nazma KhatoonDr. Sharma · 15 din pehle · 99271…334Uthaya nahi
Namaste Suresh ji, Sharma Polyclinic se. Dr. Anil Sharma ne aapko 25-08-2026 ko dobara dikhane ko kaha tha. Aap kis samay aa sakte hain? Clinic 9:00 se 2:00 aur 5:00 se 8:00 khuli rehti hai. WhatsApp par bhejne ke liye taiyar

Message aap apne hisaab se badal sakte hain — ek baar set, hamesha ke liye.

Module 08

Staff Logins, Roles & Data Safety

Har aadmi ka apna login. Aur har aadmi ko utna hi dikhta hai jitna uske kaam ka hai — na kam, na zyada.

Patient ka health data hai, isliye ismein dheela nahi chhoda ja sakta. Kisne kya kiya, kab kiya — sab record hota hai.

  • Doctor ko sirf apna — apne patient, apni queue, apni kamai. Doosre doctor ka hisaab nahi dikhta
  • Reception ko billing aur appointment — par poora munafa aur settlement nahi
  • Password encrypt hokar rakha jata hai — hum bhi nahi padh sakte
  • Activity log — kis bill me kisne discount diya, kisne record delete kiya, sab dikhta hai
  • Har clinic ka data poori tarah alag. Roz backup hota hai
Kya dikhegaMaalikDoctorReception
Appointment & queue
Prescription likhna
Bill banana
Doosre doctor ka data
Settlement report
Staff jodna / hatana
Activity log
reception1 ne bill INV/26-27/0184 me ₹150 discount diyaAaj 10:06 AM
dr.sharma login hueAaj 9:48 AM
reception1 ne naya patient joda — SRP000112Aaj 9:32 AM
Chhoti cheezein jo roz kaam aati hain

Aur bhi bahut kuch
ismein pehle se hai

In sab ke liye alag se kuch nahi lena padta — software ke andar hi hain.

Multi-branch

Do ya teen jagah clinic hai to har branch alag chalti hai, par report ek saath dikhti hai. Enterprise plan me.

CSV export

Patient, appointment, bill, settlement — koi bhi list ek click me Excel me. Aapka data, jab chahein.

Apna logo, apna letterhead

Clinic ka logo, naam, pata aur doctor ki degree — prescription aur bill dono par apne aap chhapta hai.

Thermal printer support

Counter par 2 inch ya 3 inch ka printer laga hai? Bill usi size me nikal jayega. A4 bhi chalta hai.

Phone se patient search

Number ke aakhri 4 ank kaafi hain. Naam ki spelling se pareshan hone ki zarurat nahi.

Activity log

Kisne kya badla, kab badla — poora record. Staff badalne par bhi hisaab saaf rehta hai.

Plan aur validity

Aapka plan kab tak chalu hai, kitne doctor aur staff login bache hain — andar hi dikhta rehta hai.

Roz ka backup

Data ka backup roz apne aap hota hai. Computer kharab ho jaye to bhi kuch nahi jaata.

Seedhi tulna

Register aur Excel se
kya alag hai

Dono se kaam chal jata hai — sawal ye hai ki kitna kaam aur kitna paisa beech me kho jata hai.

Register / Excel wala tareeka

  • Purani parchi dhoondhne me 5–10 minute, aur kaafi baar milti hi nahi
  • Token ke liye reception par bheed — kiska number pehle hai, koi nahi jaanta
  • Din ka hisaab raat ko, calculator se. Farq aaye to pata hi nahi chalta kahan se
  • Doctor ka commission mahine ke aakhir me 2–3 din ka kaam — phir bhi shaq
  • Follow-up sirf yaad par — jo bhool gaye wo patient chala gaya
  • Udhaar ka andaza hai, list nahi. Saal bhar me achhi khasi rakam doob jati hai
  • Register bheeg gaya, Excel file corrupt ho gayi — to kuch nahi bachta
  • Clinic se bahar hain to kuch pata nahi chalta — phone karke poochhna padta hai

Hospital A2Z ke saath

  • UHID ya phone number daaliye — poori history ek second me
  • Token apne aap, doctor-wise. Sabko dikhta hai kiska number kaunsa hai
  • Day close ek page me — cash, UPI, card alag. Milan 2 minute ka
  • Settlement roz apne aap banta rehta hai — aakhir me sirf print
  • Follow-up list roz taiyar, WhatsApp message ek click par
  • Bakaya list — kiska kitna, kab se, phone number ke saath
  • Backup roz. Computer kharab ho jaye to bhi data surakshit
  • Ghar baithe mobile par aaj ka collection dikh jata hai

Aap register band karne ki jaldi mat kijiye. Ek mahina dono chala kar dekh lijiye — farq khud dikh jayega.

Padhne se accha hai
ek baar chala kar dekh lijiye

Demo me asli data pada hai — patient jodiye, prescription likhiye, bill banaiye, settlement nikaliye. Kuch bigadne ka dar nahi. Phir baat karenge.

Live demo kholein Free demo book karein