Hospital A2Z, VVV Softech ka product hai — Bareilly, Uttar Pradesh. Hum bade shehron ke liye software nahi banate. Hum unke liye banate hain jinke yahan kaam register par chalta hai aur jinke paas IT wala aadmi nahi hota.
Hamara daftar Civil Lines me hai. Jo software hum bechte hain, uske customer aksar hamare hi sheher me hote hain — isliye galat kaam karke bach nikalna hamare liye mumkin bhi nahi hai.
“Hamara niyam simple hai — jo cheez hum khud clinic me baithkar nahi chala sakte, wo hum bechte nahi. Software chalu karwane ki zimmedari hamari hai, sirf bech dene ki nahi.”
— Shri Vikas Mishra, Founder & Director
Sabse pehle hamne Bareilly ke dukaandaron ke liye GST billing software banaya — kyunki GST aane ke baad chhote vyapari sabse zyada pareshan the. Uske baad restaurant walon ne kaha ki hamare liye bhi kuch banao. Phir salon walon ne.
Har baar ek hi tarika raha: pehle jaakar baithe, dekha ki kaam kaise chalta hai, phir software banaya. Videshi software dekh kar copy nahi kiya — kyunki wahan ka dukaandar aur yahan ka dukaandar ek jaisa kaam nahi karta.
Clinic wala kaam sabse baad me aaya, aur sabse mushkil nikla. Kayi polyclinic maalikon se baat karne par ek hi baat baar-baar suni — software to bahut hain, par doctor ka commission ka hisaab koi theek se nahi karta. Isi ek dikkat se Hospital A2Z shuru hua.
Aaj bhi hum wahi karte hain. Koi feature isliye nahi jodte ki kisi aur ke software me hai. Jodte tab hain jab kisi clinic wale ne kaha ho ki iske bina uska kaam atak raha hai.
GST aaya to chhote vyapari ke liye bill banana pahaad ban gaya. Hamne seedha-saada billing software banaya, jisme udhaar ka hisaab bhi rehta hai.
KOT, table, bill — aur salon me appointment aur staff ka commission. Yahin par pehli baar samajh aaya ki commission ka hisaab kitni badi cheez hai.
Bareilly ke aas-paas ki clinics me jaakar dekha — register, parchi, aur mahine ke aakhir me calculator. Kaam ka tarika samajhne me kayi mahine lage.
Reception se lekar doctor settlement tak — ek software. Jo cheez clinic me sach me chalti hai, wahi ismein hai.
Ye koi marketing ki baat nahi hai. Ye wahi cheezein hain jinki wajah se log hamare saath tikte hain.
Demo se pehle hum poochhte hain ki aapki clinic kaise chalti hai — kitne doctor, fees ka kya niyam, commission kaise banta hai. Software uske baad dikhate hain, pehle nahi.
“Naya patient jodein”, “Aaj ke bills”, “Kul collection” — wahi shabd jo aap roz bolte hain. Reception ka ladka English ki wajah se atkega nahi.
Aapko khali software nahi milta. Doctors, fees, services, letterhead — sab hum bhar kar dete hain, phir staff ko baithkar sikhate hain.
Ticket number nahi milta, aadmi milta hai. Kaam ke ghanton me WhatsApp par message kijiye — jawab usi din milta hai, agle hafte nahi.
Har product ki kahani ek jaisi hai — kisi dukaandar ki asli dikkat dekh kar bana.
Chhote vyapari ke liye GST billing, stock aur udhaar ka hisaab. Hamara sabse purana product.
Table, KOT, kitchen aur bill — dhaba se lekar family restaurant tak, ek hi screen par.
Appointment, service rate list, staff ka commission aur customer ka wapas aana — sab track hota hai.
IMEI ke saath bikri, warranty, repair job card aur udhaar — mobile ki dukaan ke hisaab se.
In sabke customer aaj bhi hamare saath hain — kayi log 5 saal se ek hi software chala rahe hain.
Hum kisi virtual address se kaam nahi karte. Civil Lines me daftar hai, aur aap bina appointment bhi aa sakte hain — ek phone kar dijiye taaki hum baithe milein.
Civil Lines, Bareilly, Uttar Pradesh 243001
Ek call kijiye. Hum sunenge ki aapki clinic kaise chalti hai, phir bataenge ki hum kya kar sakte hain aur kya nahi. Dono baatein saaf.